Language

የኢትዮጵያ ሙሉ ወንጌል ሥነ-መለኮት ሴሚናሪየም በኢትዮጵያ ሙሉ ወንጌል አማኞች ቤተክርስቲያን በ1980 ዓ.ም እንደስልጠና ማዕከል ሆኖ በጠቅላላ ጉባኤው ፀደቆ የተወለደ አገልግሎት ነው፡፡

1

 

የኢትዮጵያ ሙሉ ወንጌል አማኞች ቤተክርስቲያን ከ 50 ዓመት ያላነሰ እድሜ ያላትና በሚሊዮኞች የሚቆጠሩ ምዕመናንን ያፈራች ቤተክርሰቲያን ነች፡፡ ይህች ቤተክርስቲያን በወንጌል የደረሰቻቸው ህዝቦች ሚሊዮኖች እንደመሆናቸው የደቀመዝሙርነት ስራውንና የአስተምህሮ ጥራትን ከጥልቀት ጋር እንዲያስጠብቅ የተደራጀ ተቋም ማስፈለጉ ለኢትዮጵያ ሙሉ ወንጌል ስነ-መለኮት ሴሚናሪ መቋቋም ምክንያት ሆኗል፡፡

ሴሚናሪው ከተቋቋመበት ከሀምሌ 1980ዓ.ም ጀምሮ መጀመሪያ በዲፕሎማ መርሃ ግብር በመደበኛ ፕሮግራም በስድስት ዙር 224 ተማሪዎችን አስከ 1992ዓ.ም ያስመረቀ ሲሆን፣ በቀጣይ በከፍተኛ ዲፕሎማ መርሀ ግብር እንዲያስለጥን በተሰጠው አቅጣጫ መሠረት ከ1993- 1996 ዓ.ም 87 ተማሪዎችን አስተምሮ አስመርቋል፡፡ ከዚሁ ሂደት ጋር ጎን ለጎን የዲፕሎማና የከፍተኛ ዲፕሎማ መርሐ ግብር በክረምት ወቅት በመስጠት እስከ 1998ዓ.ም 32 ተማሪዎችን አስመርቋል፡፡

ከጥር 1996 ዓ.ም ጀምሮ የዲፕሎማውን መርሃ ግብር ባንድ መልኩ ወደየቀጠናው በማውረድ፤ በሌላ መልኩ ለ 24 ኮርሶች የሚመጥኑ 24 መፃህፍቶችን በአማርኛና በኦሮምኛ በማሳተም በተልዕኮ መርሃ ግብርና በስነ-መለኮት ማሰልጠኛ ማዕከላት ትምህርቱ ለብዙሃኑ በያሉበት እንዲደርስ ማድረግ ተቻለ፡፡  

በዚህም ሂደት ከ1996ዓ.ም እስከ 2008 ዓ.ም እስካሁን ባለን መረጃ በየማዕከላቱ እየተማሩ ያሉትንና የተመረቁትን ብንደምር ይህ ቁጥር ከአራት እጥፍ በላይ እንደሚሆን እሙን ነው፡፡

በተያያዘ ከ1996 ዓ.ም ጀምሮ በዲግሪ መርሐ ግብር በመጽሐፍ ቅዱስና በሥነመለኮት ትኩረት በማድረግ እንዲሰራ በቤተክርስቲኒቱ አመራር በፀቀደለት መሰረት ከ1997 ዓ.ም እስከ 2008ዓ.ም 342 ተማሪዎችን አስመርቋል፡፡

የተቋሙ እድገት ባልተቋረጠ ሁኔታ ቀጥሎ በጥር 2000ዓ.ም ከሳውዝ አፍሪካን ቲኦሎጂካል ሴሚናሪ (SATS) ጋር፤ ባደረገው ስምምነት የማስተር ኦፎ ቲ ኦሎጂ (MTh)ፕሮግራም የጀመረ ሲሆን፤ በቀጣይ ከኒው ኮቨናንት ኢንተርናሽናል ዮኒቨርሲቲ ጋር በ2001 ዓ.ም ባደረገው ስምምነት በማስተር ኦፍ ፍሎሶፊ (MPhi) መርሃ ግብር በቀጣይም በማስተር ኦፍ አርትስና በማስተር ኦፍ ዲቪኒቲ (MDiv) መርሃ ግብሮች በድህረ ምረቃ እያሰለጠነ ሲሆን እስከ 2008 ዓ.ም ከየመርሃ ግብሩ በጥቅሉ 36 ተማሪዎች በማስተር ኦፍ ፊሎሶፊና በማስተር ኦፍ ቲኦሎጂ ተመርቀዋል፡፡

የኢትዮጵያ ሙሉ ወንጌል ሥነ መለኮት ሴሚናሪየም በአሁኑ ወቅት በ18 የቀጠና መጽሐፍ ቅዱስ ኮሌጆች እንዲሁም ከ60 በላይ የሥነመለኮት ማስተማርያ ማዕከላት ከዲፕሎማ መርሃ ግብር እስከ ፒ ኤች ዲ መርሃ ግብር ትምህርቶችን እየሰጠ ያለ አንጋፋ የሥነ መለኮት ተቋም ሲሆን በ2009 ዓ.ም ደግሞ በስነ አመራርና በሚስዮን በአማርኛ ቋንቋ በዲግሪ መርሃ ግብር ማስተማሩን ቀጥሏል፡፡ ለፒ ኤች ዲ ፕሮግራምም ከ ዮኒቨርስቲ ኦር ዘ ፍሪ ስቲት ጋር ስምምነት ተፈራርሟል፡፡

የኢትዮጵያ ሙሉ ወንጌል ሥነ-መለኮት ሴሚናርየም ራዕይ የስነመለኮት ትምህርትን ለሁሉም  በሁሉም ደረጃ ማድረስ በመሆኑ ከላይ ከተዘረዘሩት ልዩ ልዩ መርሃ ግብሮች በአንዱ በመታቀፍ የተሟላ አቅም በመገንባት አብያተ ክርስቲያናትን መጥቀም ይቻላል፡፡

የሴሚናሪውን ዕድገት ጠቋሚ ግራፍ ከታች ይመልከቱ፤ የእውቅናና የአጋርነት ስምምነት ሰርተፊኬቶቸን በአባሪ ዝርዝር ይመልከቱ ::

efgtsgraph